caminava pe’ la via
e tirava lu somarellu,
supra a lu bastu purtava a Maria.
Eranu stanchi, ma dopu truvaru
‘na gritticeddha: vardaru e trasiru,
‘nu letticeddhu di pagghia cunzaru,
s’arripusaru, prigaru e durmiru.
A menza notti ‘nu pasturellu
chiamava: “Genti, curriti pi’ cca!”
Svegliava tuttu lu paisellu,
vuliva dari la novità.
Vitti ‘nd’o celu ‘na cosa chi brilla,
si spaventava e diciva: “ Chi fu ”.
Supra la grutta calava ‘na stilla,
l’angiulu dissi: “È natu Gesù”.
Cu’ l’aiutu di l’asinellu
e cu’ l’aiutu di Maria
respirava lu boicellu,
si scaldava lu Messia.
NINNA NANNA A GESU'
Santi spiriti divini
prugittati angiuli santi
sarafini e cherubini
chi Gesù voli durmiri.
Tutti l'angiuli biati
fannu festa in dignitati,
la Madonna ora spinna
pi’ cantaricci la ninna.
RIT.: Ed io ti canterò ,
Re del cielo fai la vo'.
Bambinuzzu tuttu d'oru
li to’ nachi su’ d'argentu,
quandu sentu lu to’ nomu
m'arrussigghiu e m'addurmentu,
ti cumbogghiu cu’ ‘stu velu ,
si’ patruni di lu celu,
ti cumbogghiu cu’ ‘stu mantu,
Patri Figghiu e Spiritu Santu.
RIT.: Ed io ti canterò ,
Re del cielo fai la vo'.
E ‘cca passa l'ogghiularu
e chi passa l'ogghiu finu,
e dumatinci la lampa
chi nasciu Gesù Bambinu.
RIT.: Ed io ti canterò ,
Re del cielo fai la vo'.
VINNI NATALI
Vinni Natali e simu tutti ccani,
parenti amici e puru paisani,
si canta e si balla in allegria
e nuddu si lamenta o chi pinia.
Scindiru d’a muntagna i zampognari,
dicendu chi nasciu lu Redenturi,
vannu girandu cu’ li calandreddi
sunandu la nuvena di Natali.
I sonaturi vannu casa pi’ casa,
e mangiunu turruni e suppizzata,
nt’a strata li figghioli stannu jocandu,
c’un pugnu di nuciddi vannu girandu.
A megghiu festa è chidda d’u Natali,
chi ndi sti jorna riunisci a tutti.
Amici e nemici ed emigranti
E lu Bambinu juta a tutti quanti.
‘Nt’all’aria nc’è profumu di castagni,
e nd’ogni casa nci su’ tavulati,
cu’ vinu bonu e puru fica sicchi
cu si caddia o focu e cu joca ‘e carti.
Allegramenti la campana sona,
su’ pronti li crispeddi e li pitrali,
davanti a lu presepiu nc’è cu canta
li canzuneddi antichi di Natali.
U SANTU NATALI
Tri grandi re un tempu partiru,
seguendu a stella u Messia truvaru
intra ‘na stadda supra un pagghiaru,
cu li so’ doni iru e u lodaru.
C’era Giuseppi e Maria di latu,
arretu n’asinu e un boi cu so’ sciatu
chi boni boni cu istintu d’amuri
iddi nci davunu u so’ caluri.
I chidda notti celestiali
veni ogni annu u Santu Natali
tutta la genti chi ghia e vinia
tutti lodavunu u nostru Messia.
Tanti pasturi attornu attornu
finu c’a notti non fici jornu,
tutti cantavunu cu’ gioia e amuri,
tutti cantavunu lodi o’ Signuri.
I chidda notti celestiali
veni ogni annu u Santu Natali,
u festeggiamu cu’ paci e amuri
comu lu voli nostru Signuri.